Hrökkbrauð

Þetta er lokaútgáfa af uppskrift af hrökkbrauð. Tilrauninina mína má finna með því að smella hér.

Hráefni

  • 100 gr rúgmjöl
  • 100 gr hveiti
  • 1,25 tsp salt
  • 2 tsp sykur
  • 2 tsp kúminfræ*
  • 100 gr malt
  • 4 tbsp jurtaolía
  • Sesamfræ*

*ekki nauðsynlegt

Aðferð

  1. Forhita ofn í 200°C með plötuna inni í ofni.
  2. Blanda saman rúgmjöli, hveiti, salti, sykri og kúminfræum saman í skál og hræra saman.
  3. Bæta við jurtaolíu og malti.
  4. Hræra saman í deig.
  5. Fletja út með bökunarpappír undir og ofaná deiginu.
  6. Dreifa sesamfræum yfir flatt deigið og rúlla yfir það aftur.
  7. Nota pizzaskera til að skera deigið í fullkomna stærð af hrökkbrauði.
  8. Setja á heita plötuna og í ofnin í 15 mínútur.
  9. Taka út og snúa við hrökkbrauðinu.
  10. Setja aftur í ofn í ca 15 – 20 mínútur.

Lokapunktar

  • Hrökkbrauðið á að vera í ofninum í ca 25-35 mínútur.
  • Ég þurfti að snúa við hrökkbrauðinu eins og segir í 9. punktinum af því að annars verður hrökkbrauðið bogið hjá mér. Ég var líka að lenda í því að hrökkbrauðið í köntunum var að brenna. Það gæti verið ofninum mínum að kenna sem er mögulega ekki uppá marga fiska eða kannski á ég að vera að nota grind í staðinn fyrir plötu.
  • Ég sker hrökkbrauðið í jafnstóra bita og ein ostasneið af því það er praktískt! 🙂
  • Það má setja 1,5 tsp af salti ef einhverjum finnst vanta meira bragð. Að mínu mati er 1,25 tsp fullkomið magn.
  • 1,25 tsp af salti eru tæp 10gr.